Пн Вт Ср Чт Пт Сб Вс
1234
567891011
12131415161718
19202122232425
2627282930

Наши новости

ҠОТЛАЙБЫҘ! 9 һәм 10 ноябрь Туймазы ҡалаһында «Оҙон көй - 2018» Төбәк-ара башҡорт халыҡ йырын башҡарыусылар ко.....
С Днем народного единства! 4 ноября - один из главных государственных праздников России!.....
В Башгосфилармонии стартовал юбилейный проект «Nostalgie – ФиларМОҢ. 80 лет за 8 вечеров» В январе 2019 года Башкирская государственная филармония имени Хусаина Ахметова отметит 80-летний юб.....
ЭДО-20! Джаз и не только! Большой концерт Эстрадно-джазового оркестра на сцене ГКЗ "Башкортостан" с участием ведущих звёзд джа.....
Восемь вечеров под знаком БГФ В нынешнем сезоне главная концертная организация республики – Башкирская филармония – вошла в своё т.....
WORLD MUSIC: творческий батл оркестров! Оркестр традиционной музыки города Тэгу, Южная Корея VS Национальный оркестр народных инструментов Р.....
НЕВЕРОЯТНЫЕ ГАСТРОЛЬНЫЕ ПРИКЛЮЧЕНИЯ ЭДО БГФ Звуковую сокровищницу «Мосфильма» пополнил аудиодиск Биг-бэнда Башкирской филармонии.....
С ДНЕМ РЕСПУБЛИКИ БАШКОРТОСТАН! 11 октября Башкортостан празднует День Республики!.....
ГАСТРОЛИ Гастроли коллективов Декабрь 2018.....
ГАСТРОЛИ Гастроли коллективов Ноябрь 2018.....

Независимая оценка качества оказания услуг

ПРОЙТИ ОПРОС

Архив

Статьи

Новости

Открытый Республиканский конкурс вокалистов имени Газиза Альмухаметова

Открытый Республиканский конкурс вокалистов имени Газиза Альмухаметова посвящен 100-летию Республики Башкортостан

С 12 по 14 ноября 2018 года в городе Уфе на базе Башкирской государственной филармонии им. Х.Ахметова проводится Открытый Республиканский конкурс вокалистов имени Газиза Альмухаметова.

Подробнее...

Абонементы

Всероссийский старт продажи абонементов

Подробнее...

ЭЛЕКТРОННЫЕ БИЛЕТЫ

Продажа билетов онлайн

Получить всю информацию о  наличии и стоимости билетов  теперь легко: не выходя из дома,   с мобильных устройств, подключенных к сети Интернет.

Подробнее...

Наш репертуар

Сентябрь-Октябрь 2018

Наши партнеры

Министерство культуры Российской Федерации

Министерство культуры Республики Башкортостан

Информационное агентство Башинформ

Культурный мир Башкортостана

2018 - Год Семьи

2018 год объявлен в Башкортостане Годом семьи

ПрессаЙыр туғандарҙы табыштырҙы

Вернуться назад

Йыр туғандарҙы табыштырҙы

Автор: Фәнирә Ғайсина / "Башҡортостан" гәзите

Дата: 26.09.2014

Сәхнәлә талғын ғына илаһи моң ағыла, ул күңел­дең нескә ҡылдарын сиртеп, йөрәкте өҙә, һағыш­ҡа сорнай. Йырсының көслө тауышынан арҡа буйҙары земберләп китә, диуарҙар һелкенеп ҡуй­ғандай тойола. Күҙ алдында йырҙағы боронғо тормош күренештәре пәйҙә була, ундағы ваҡиға­ларҙы төҫмөрләп, хис-тойғо­ға бирелеп, шул тарих төпкөл­дәренә төшөп онотолаһың. Баш­ҡорт халыҡ йыры тымыу менән дәррәү ҡул са­быу яңынан был тормош­ҡа алып ҡай­та. Эргәлә ултырған ҡатын: “Эй шул йырсыны яратам, тик уны күрер өсөн генә килдем бөгөн дә!” – тип йылмая. “Минең дә яратҡан йырсым, ул ҡатнашҡан концерттарға гел йөрөргә тырышам”, – тим.

Һүҙ Башҡортостандың атҡаҙанған артисы Гүзәл Үл­мәҫ­ҡолова хаҡында бара. Яңыраҡ уның менән осрашып, уңыштары, ижади пландары менән ҡыҙыҡһынып алдым. Гүзәл миңә үҙе тураһында, сәнғәт тормошо хаҡында ихлас һөйләне.

– Ун туғыҙ йыл инде Башҡорт дәүләт филармонияһында хеҙмәт итәм. Музыкаль-әҙәби лекторий бүлегендә эш­ләйем, күберәк етди, классик әҫәрҙәр башҡарырға тырышам. Репертуарымда Гендель, Бах, Моцарт, Глинка, Пуччини, Чайковский, Рахманинов, Свиридов, Римский-Корсаков һәм башҡа бөйөк композиторҙарҙың ариялары, романстары бар.

Үҙебеҙҙең башҡорт композиторҙарынан Заһир Исмә­ғилев, Хөсәйен Әхмәтов, Салауат Низаметдинов, Айрат Ҡобағошов, Нур Дауытов, Рафиҡ Сәлмәнов, Рим Хәсәнов йырҙарын, романстарын бик яратам. Репертуарымда балалар өсөн яҙылған йырҙар бик күп: романстар, триолар, дуэттар. Әҙәби-музыкаль лекторий йырсыһы булараҡ, халыҡҡа, балаларға музыканы аңлатыу, йырҙар менән таныштырыу өсөн күп көс һалабыҙ.

Тәүҙә башланғыс класс уҡытыусыһы булып эшләгәйнем, сөнки балаларҙы ныҡ яратам. Күберәк уҡыусылар, студенттар алдында сығыш яһарға тура килә. Балалар өсөн концерт программаларында теләп ҡатнашам, уларҙы алдап булмай. Шуның өсөн балалар алдында бар күңелем, йөрәгем менән йырларға тырышам, – ти йырсы.

Гүзәлдең хәтерендә филармонияның эстрада булегендә эшләгән ваҡыттары бигерәк тә көслө тәьҫорат ҡалдырған:

– Ул ваҡытта республикабыҙҙың бөтә райондарында, хатта иң төпкөл, бәләкәй ауылдарында ла концерт ҡуйып йөрөнөк. Шул саҡ Башҡортостандың ниндәй матур төбәк икәненә хайран ҡалдым, Салауат Юлаев тыуып үҫкән ер­ҙәрҙе күреү бәхетенә ирештем, уның иҫ китмәле тәбиғәтенә һоҡландым, халҡыбыҙҙың ҡунаҡсыллығына һушым китте.

Гүзәлдең бай, матур тембрлы, киң диапазонлы көслө тауышын республикала ғына түгел, хатта Рәсәйҙең күп төбәктәрендә лә – Мәскәүҙә, Санкт-Петербург, Пермь, Йошкар-Ола, Кемерово, Силәбе, Ҡазан, Ырымбур, Волгоград һәм башҡа ҡалаларҙа яратып тыңлайҙар, йылы ҡабул итәләр.

Гүзәлгә сит илдәрҙә лә сығыш яһарға насип булған. Ул Германияның баш ҡалаһы Берлинда «Йәшел аҙна» халыҡ-ара күргәҙмәһендә сығыш яһап, Ер шарының бөтә төбәк­тәренән килгән ҡунаҡтарҙы, немец тамашасыһын хайран ҡалдыра. Юғары кимәлдә башҡарған башҡорт халыҡ йыр­ҙарын, итальян арияларын сит ил кешеләре йотлоғоп тыңлай, “Браво!” тип алҡыштарға күмә.

Шулай уҡ Гүзәл Словакияла, Төркиәлә бер нисә тапҡыр була. Унда халыҡ-ара фольклор фестивалендә ҡатнаша. Бер саҡ элек Рәсәйҙән китеп Төркиәлә тамыр йәйгән туғандарын да осрата. Әйтергә кәрәк, Гүзәл – күренекле башҡорт ғалимы Абдул Ҡадир Инандың туғаны.

Төркиәгә йыйынған ваҡытта уға ике туған ағаһы, спорт мастеры, Силәбе, Арғаяш яҡтарының билдәле көрәшсеһе Иршат Үлмәҫҡолов: “Туғандарҙы табырға, осрашырға ты­рыш!” – тип, уларҙың исем-шәрифен яҙып биреп ебәрә.

Истанбул театрының грим бүлмәһендә Гүзәл концертҡа әҙерләнеп, туғандарҙы ҡайҙан эҙләргә икән тип уйланып ултырғанда, бер ағай килеп инә. Был оло йәштәрҙәге, оҙон буйлы, ҡаҡсараҡ кәүҙәле, яғымлы йөҙлө кеше Башҡорт­остандан килгән артистарға: “Мин – Йәшәр Мостафа, Абдул Ҡадир Инандың улымын. Атайым Рәсәйҙең Силәбе өлкәһендә тыуып үҫкән”, – тип әйтә.

Шулай итеп, Гүзәлде туғаны үҙе килеп таба. Йәшәр Мос­тафа әфәнде ныҡ шатлана, ҡатыны һәм ҡыҙы менән таныштыра, ҡунаҡҡа саҡыралар. Концерттан һуң уны йылы тәбрикләйҙәр, талантлы туғандарының матур тауышына һоҡланалар, бергәләп фотоға төшәләр. Абдул Ҡадир Инандың тыуып үҫкән Арғаяш яҡтарын бер генә мәртәбә булһа ла күреп ҡайтырға ине, тип теләк белдерәләр…

Гүзәл үҙе лә көйҙәр ижад итә. Былтыр Гөлфиә Юны­сованың ижад кисәһендә шағирәнең һүҙҙәренә яҙылған бер нисә яңы көйө лә яңғыраны. Күптән түгел “Әллә ниңә һине юҡһынам” тигән йыры Радик Вәлмөхәмәтов башҡарыуында хит-парадта өсөнсө урынды алды. “Мәңгелеккә кил, иркәм” тигән йыры иң популяр дуэттар альбомына индерелде. “Әсәй”, “Йәшәйек саф мөхәббәттә”, “Тыуған ер”, “Аҡ ҡар” тигән йырҙарын Башҡортостан радиоһы һәм телеви­дениеһы аша йыш ишетергә мөмкин.

Гүзәл ижади тормошонда тик үҙенең көсөнә генә таяна, тырышлығы менән генә уңыштарға ирешә.

– Эшкә етди ҡарарға миңә уҡытыусыларым – Баш­ҡорт­остандың халыҡ артисы Флүрә Ноғоманова, Өфө сән­ғәт академияһы профессоры Миләүшә Мортазина өй­рәтте. Шулай уҡ ижадташ коллегаларыма, концерт­мейстерҙар Елена Мороз, Елена Овчинникова, Ольга Хәйруллина­ларға рәхмәтлемен. Режиссерҙарҙан Салауат Итбаевҡа, Эльмира Сәфәрғоловаға (ҡыҙғанысҡа ҡаршы, ул филармониянан китте) бигерәк тә рәхмәт әйткем килә. Улар тәбиғи һәләтемде асырға ярҙам итте, – ти Гүзәл.

Дәүләт тә Гүзәлдең эшен юғары баһаланы. 2007 йылда уға “Башҡортостандың атҡаҙанған артисы” тигән маҡтаулы исем бирелде. Былтыр мәҙәниәт министры Әминә Ша­фиҡова маҡтау грамотаһы тапшырып, күңелен үҫтерҙе.

Гүзәл Үлмәҫҡолованың йырҙары тағы-тағы ла арбай. Был хәтлем дә сикһеҙ моң даръяһы булыр икән!

Яратҡан йырсыбыҙ үҙ эшен тәьҫирләнеп, илһамланып башҡарыуын дауам итә.

Фәнирә Ғайсина / "Башҡортостан" гәзите

Вернуться назад