Русский
Башкирский
ЙЫҺАН ҠЫҘЫ САБИНА
Хөсәйен Әхмәтов исемендәге башҡорт дәүләт филармонияһының эстрада солисткаһы Сабина Кучаева тормошонан ун ваҡиға.
- Сабина Кучаева Байконур ҡалаһында донъяға килә. Шуға ла уны йыһан ҡыҙы тип йөрөтәләр.
- Сәхнәгә йәш ярымда сыға. Атаһы, йырсы Насип Кучаев ҡыҙына арнап “Сабина” тигән йыр яҙа. Уны башҡарғанда Сабина янында бейей. Өс йәшендә иһә үҙе сәхнәлә йырлай башлай.
- Рәми Ғарипов исемендәге беренсе башҡорт гимназия-интернатында уҡый. Юғары белемде Мифтахетдин Аҡмулла исемендәге БДПУ-ла ала. Моңло ҡыҙ ҡайҙа уҡыһы ла һынатмай. Урта белемде алтын миҙалға, юғары уҡыу йортон ҡыҙыл дипломға тамамлай.
- Магистратурала уҡығанда алмашыныу программаһы буйынса Ҡытайҙа белем алыу бәхете лә тейә.
- Ике йыл элек ит аҙыҡтарынан бөтөнләй баш тартҡан.
- Төрлө телдәрҙе үҙләштерә. Әлеге ваҡытта ҡытай, инглиз, испан, корей телдәре менән ҡыҙыҡһына.
- Йога менән шөғөлләнә. Кешенең күңел донъяһын өйрәнеүсе фән – психология дә менән ҡыҙыҡһына.
- Бала сағында тиктормаҫ була. Ведосипедтан йығылып төшөп аяғын да һындыра.
- Сабина Кучаева – Халыҡ-ара, Бөтә Рәсәй һәм республикала йыр буйынса ойошторолған конкурстар лауреаты.
- Тормош девизы: “Камиллыҡтың юҡтыр сиктәре”.