Өфөлә «Еңеү хаттары»на арналған хәйриә концерты үтте
Мәҙәни программаны Хөсәйен Әхмәтов исемендәге Башҡорт дәүләт филармонияһының эстрада һәм музыкаль-әҙәби лекторий артистары тәҡдим итте. Проекттың режиссеры – Башҡортостандың атҡаҙанған артисы Сулпан Асҡарова. Концертта һуғыш йылдары йырҙары һәм патриотик тематикаға заманса композициялар яңғыраны.
Сығыштар араһында сәхнә оҫталары уҙған быуат хәтирәләре – фронттан килгән өс мөйөшлө хаттарҙы уҡыны. Күләмле сараға мәктәп уҡыусылары, кадеттар, хәрби-патриотик клуб тәрбиәләнеүселәре лә тамаша ҡылды.
Подробнее: https://bash.news/bash/news/176080-efele-eneu-khattaryna-arnalgan-kheyrie-kontserty-utte